咪就係!! 我絕對唔會再去!!!!

我差唔多新開張果時同屋企人去食, (6個人)
等左成9個字(都唔緊要)
果個着到好鬼sexy既(類似)女闆娘最後居然比左張4個人坐既卡位我地 (仲係咁o岩有條柱頂住個枱,所以只可以3個人坐), 我地同佢講太迫了6個人根本坐唔落, 佢就話:"你坐定唔坐呀?你唔坐我要比第二d人ga la" 態度認真X交叉Y!! 但係基於我地已經等左成9個字,唔食下就好似好傻咁,所以就坐左落去 (不過好彩後尾轉左去張大D既枱), 但係入面真係好亂, D暑期工chi cherk 咁轉, 好嘈!!

食野其間, 我隔離個枱個枱腳高低腳, 有個waitor換枱腳其間就好英勇咁抽起張枱既玻璃, 可惜唔小心將塊玻璃冚左落我亞媽個頭度...

之後,因為d暑期工chi cherk咁轉,其間有個waitor行過既時候又唔小心撞到我張枱 (佢地d枱好鬼輕),整到我個牛尾湯倒瀉落我條褲度同埋我準備送比我爸爸既禮物(相機)度, 我果時塊面應該已經黑到無得再黑!! 果條粉腸老闆娘即刻去攞條布過黎, 但係係去抹佢張枱而唔係抹我條褲!!! 我果時已經媽叉左佢一兩句, 佢仲要毫無歉意咁話: "係lu, 真係太亂啦, 因為o岩o岩開張嘛"
我真係想頂佢個左肺+右肺+條中氣, 之後仲要我叫!佢地先幫我換左倒瀉左一半既湯!!

所以我話過, 我絕對唔會再去!!
d野食係平, 但係個格調好cheap, 仲要有d地盤佬向度除哂鞋係度食...唉,好噁!!