台灣帝鈞碳烤胡椒餅

有冇人試過? 要排長龍嗎? 唔多就腳呢 (o個頭好似冇乜車位 ?? 搭的士話去永樂得o架囉呵?? 巴士的話幾多號到?)

好懷念台北食過o既胡椒餅, 雖然要排好耐, 但真係好正....

早兩日終於走佐去試喇:

下午二點咁上下去到, 我估因為唔係weenkend, 又未係放學時間, 唔駛排隊, 但要等一陣 (最後end up o係附近兜佐個圈, 返返轉頭買唻試), o岩o岩出爐 = 好~~~~ 熱, 絶對入唔到口的 (連渣上手都頂唔順, 係要拎住個袋角), 亦因為佢咁熱就擺低佐佢一陣, 之後(約20分鐘)食o個陣都算係熱, 又唔係樓上為食美人兒Chloe所講o既唔脆, 我o個個都頗脆o下, 質感我覺得OK o架, 但味道就點都比唔上o係台灣食... (呢o的係咪 "回憶總是美好的"?? )

佢都OK抵食, $8大大個 (同麥當當比佢算平喇), 我見佢有個唔知係咪下午茶餐 $10有個餅加一杯飲品, 單叫飲品要 $5 的.. (其實將佢做正餐都掂呀! 食個餅加埋杯野飲 = 發漲哂)

環境呢, o個度係不設堂食, 但佢咁熱拎到返屋企都唔怕凍; 至於衛生, 眼見o既地方都算幾OK, 就算佢個廚房都可以 (依加仲算新, 希望佢一路keep住喇); 招呼呢, 唔好有乜expectation喇, $8買個餅仲想點? 但個女仔都OK, 男o個個就差o的, tactful返少少會好o的; 抵食呢, 睇返上一段啦

註: o個日冇渣車去, 但去到周圍都有好多車位呀 (唔要位o個陣就鬼死咁多位!!!!)

我覺得就 so so 啫,我之前食戈時,佢都未有套餐,淨係得包賣,8 蚊一個,但係,我覺得好細個,唔係好抵食

10蚊一個餅真係好貴, 味道覺得一般, 冇乜興趣會再買

超吾掋食,,又吾係真係甘酥化喎,
辣味蓋過其它味.