南灣花園(加思欄花園)
主教座堂(大堂)
聖道明教堂聖物寶庫
你現在的位置：食在澳門 / 餐廳搜尋 / 東北人餃子面館
地址:水坑尾街157號
營業時間:上午11:30至下午02:30、下午05:30至晚上09:30
東北人餃子面館
(共10個用戶評分)
以下評論純為網友個人意見，並不代表「Food Idea」立場。
1月16日 10:28:51
已註冊使用者
真係覺得澳門越黎越似香港...到到都要排隊, 等位......
2007/11/22 20:34
已註冊使用者
雖然都係要等位
但係我覺得值得ge
澳門好難有d咁有特色既中國菜食
不過d待應只係識普通話
仲要真係比較北方戈隻
同我地有d雞同鴨講
土豆牛肉
特色大燒雞
仲有地瓜拔絲都好好味
餃子就同其他地方差唔多
4月15日 9:03:28
已註冊使用者
味道... 真係咸到吾知講乜好...
差不多枱枱都有叫"大拉皮"(粉皮), 所以我都叫左蝶, 嘩, 超咸&超酸...
叫"醬牛肉", 佢就畀左蝶"醬脊肉"(好似大排骨咁), 無肉食, 骨多過乜...
"xx雲耳", 超油... 無野講...
最普通既"餃子"係最正常...
一句講洒, 貴又吾抵. 只係地方方便.
2006/8/14 21:18
已註冊使用者
一走入去,招待都唔錯,期間我同女朋友轉左3次台,佢地冇不滿.
環境不過不失,好有大陸東北feel.尤其係d窗,唔多清潔,有d印,好有係大陸食野feel.間店燈光不太足,新冷氣有滴水問題.卡位要脫鞋,但唔見得個位好干淨囉.
味道.講下食左咩先啦
茶位3蚊,算幾特別,話晒排毒茶,3蚊,比啦!但係茶壺唔洗,一台走完,下一張又用番個個,你想下你食到個日最後個個,呢樣要改善囉,可以係文化問題.畢竟係大陸開過來.
豆漿,唔夠甜,但係滑,能飲出豆味. 野草莓酒,好好飲,推介囉.冷飲ge,係佢地家鄉釀,酒精量低,唔怕醉.最緊要野草莓味有回香!
麻辣牛肉面,真係好好食,唔辣,有麻的感覺,咸左d,可能東北人食野d味濃,牛肉得4塊,太少,菜唔夠多,但係面真係好滑,好爽口,份量夠多,應該夠一對小情侶食!
炸醬面,撈來食ge.幾清新,但炸醬用豆干代豬肉,都幾特別,但食開豬肉個d,可能覺唔抵囉.面ge質地真係好掂囉.
牛肉餅,又係好好食,牛肉鮮嫩,而滑,餅好有彈性,係油份多d,如果多將吸油紙就好啦.
醬大骨,骨多肉少,不過呢樣好明顯係食風味,食個時個感覺好似有大草原食燒肉噤,d肉要好小心先食到,風味真係一樓,如果想食大魚大肉,唔係食呢個.
白菜餃,ok.味道普通左d,加上佢台上個d調味料食,會好唔同. 大家可以try下.
招待,有個特別好招呼,叫佢介紹餐紙d野食,佢一樣樣介紹,好好人,仲帶我地去檔口介紹,真係唔話得囉.下一次一定搵番佢.
而其他人冇噤熱心.但算係ok.因為我地去個時佢地就收工.
抵食,4個人食左138,算ok啦.
p.s.其實間店食物係唔錯架啦.一定會食多次囉.但可能未知道本地人口味,so.有d人食唔慣,不過,我認為呢d唔洗點就本地人,因為改左就唔係東北味道啦!
希望我食評對大家有用啦!
2006/4/6 9:31
已註冊使用者
9月11日 12:01:40
已註冊使用者
感覺比較有新鮮感.
衛生情況幾好, 台椅都好光鮮, 又有風味.
招呼都幾好, 仲有人唱段小曲黎歡迎食客tim.
味道方面, 並無期待中咁討好.
當日我食左老醋蜇頭, 拍黃瓜, 酢醬面, 土豆燒牛肉, 肘花.
黃瓜入味不足 (圖中見顏色也不夠吧...),
蜇頭幾好味,
肘花少少唔夠味, 但都ok,
酢醬面不過不失,
但係個土豆燒牛肉真令我失望呀,
牛肉還可以, 那土豆怎搞的呢, 炸過, 不是紅燒的感覺,
也罷, 主要是口感不好...
因為我也頗喜歡吃東北菜, 油膩是必然, 可以接受,
但是其實東北菜的油感, 往往也不會粘得滿口油的,
但這道土豆燒牛肉, 我滿口都是油啦....
我寧可吃珠海的天香園, 它的土豆牛肉好吃多多多了...
價錢是澳門價, 不算太貴, 也不算太抵, 味道算是中等吧~
附件:
2007/4/16 15:20
已註冊使用者
至於d野食,唔抵食之餘又勁咸,可能唔太啱食,點哥d都係佢所謂推介,2個人食百幾蚊,都唔知食左乜,一定無第二次~~咁ge價錢食呢d我都係返大陸食好過!起碼平一半有多~
2007/7/20 22:53
已註冊使用者
土豆牛肉-麻辣牛肉面-好好味
特色大燒雞-尚可
炸醬麵，餃子,-麻麻
醬牛肉,唔明點解冇醬都叫醬牛肉,好普通
仲有一個冷盤唔記得叫咩三絲...又係好一般
其實我鍾意食既得幾樣,但可能我鍾意食d酸酸may may既野,
所以整體都覺得好味既
不過招乎成日都要人等,有時又好似想你快d走咁,坐得唔舒服要扣分
附件:
10月22日 17:46:54
已註冊使用者
不過要等好耐位=]
D茶我冇飲過...可能係我接受吾到佢既味啦,,
但總括黎講都好好味,..
10月13日 12:50:54
已註冊使用者
一上樓就已經覺得間野裝修得幾有特式
點好餸, 坐左一陣、大概五分鐘已經有野食lu
第一味係炸醬麵, 可能我不嬲唔喜食北方ge麵
加上碗麵ge炸醬唔係好多, 所以只係食左少少
之後上左白菜餃、拍黃瓜、仲有兩個唔記得左名
總括黎講, li四樣野都好食, 特別係拍黃瓜
雖然自己都識整, 但係始終人地專業d ma
加上佢一大兜, 估計有成大條青瓜響度, 抵!!
今餐食得好飽, 不過可惜係因為太飽, 所以叫唔到拔絲食
唯有等下次幫襯la~!